Алматы Қоғамдық кеңесі қаладағы арықтардың неге қаңсып тұрғанына қатысты Жасыл экономика басқармасынан жауап алды.
«Арық желілерін пайдалану мен жасыл желекті суару бойынша бюджеттік бағдарламаны аудандық әкімдіктер жүргізеді. Арықтарға су таудағы өзендерден келеді. Қазіргі таңда Есентай мен Қарасу өзендерінің бойында қайта жаңғырту жұмыстары жүргізіліп жатыр. Осыған байланысты су тоқтатылған. Сонымен қатар Әуежайдың жанындағы көлде баспалдақ (пирс) салынып жатыр. Сондықтан, Кіші Алматы өзенінің аңғары жабық тұр», - деді «Ақпараттық ресурс орталығы» қоғамдық қорының басшысы Алтынай Көбеева.
Одан бөлек қалалық Мобильділік басқармасының бастамасымен қаладағы барлық аудандарда 111 көше қайта жасалып жатыр. Ал Жасыл экономика басқармасының бастамасымен 57 көшедегі ұзындығы 57 шақырым болатын арық желісі жөнделіп жатыр. Сондықтан бұл көшелерде де уақытша су ағып тұрған жоқ
Ақпарат көзі: «Қазақпарат» ХАА