Алматы полициясы қаладағы бейнебақылау жүйесінің мүмкіндіктерін жария етті.
Жедел жағдайды қадағалау, қоғамдық тәртіпті сақтау мен жол қауіпсіздігін қамтамасыз ету, сондай-ақ құқық бұзушылықтың алдын алу және ашу үшін Алматыда 119 794 бейнебақылау камерасы пайдаланылады, оның ішінде:
- ПД Жедел басқару орталығында (ЖБО) 156 баламалы камераны қамтитын бейнебақылау жүйесі қолданылады, ондағы бейне ЖБО жедел басқару залына шығарылады;
- Қаланың әр түрлі нысандарында 1 мың 791 бейнекамера орнатылған;
- Универсиада-2017 нысандарында 1 мың 173 бейнекамера орнатылды;
- «Жол қозғалысы қауіпсіздігі» автоматты ақпараттық жүйесі бойынша 105 бекет іске қосылды, оған 694 бейнекамера кіреді, оның ішінде 415 тану камерасы және 279 шолу камерасы.
- Метрополитенде бейнені полиция бөлмесіне шығарумен 348 бейнебақылау камерасы орнатылған.
- Білім нысандарында 3 мың 449 бейнебақылау камерасы орнатылды, оның ішінде 204 мектепте – 2 мың 144, 21 мемлекеттік колледжде – 632, 49 жекеменшік колледжде – 673.
- Перзентханаларда 143 бейнекамера орнатылған.
- «Қауіпсіз аула» принципі бойынша көппәтерлі үйлердің 7 мың 490 ауласында 45 мың 994 бейнекамера орнатылды, 13 мың 086 жеке аула 30 мың 154 бейнекамерамен күзетіледі, оның ішінде 8 мың 646 бейнебақылау камерасы жеке сектордағы 2 мың 853 көше қиылысында орнатылған.
- Қалада түрлі меншік нысанындағы 6 мың 682 объектіде 35 мың 892 бейнекамера орнатылды.
Бейнебақылау жүйесінің көмегімен 2018 жылы 1 мың 543 қылмыстық құқық бұзушылық ашылды. ПД Жедел басқару орталығы камераларының көмегімен 15 мың 603 әкімшілік құқық бұзушылық анықталды, соның ішінде 14 мың 043 жол жүрісі ережесін бұзу.
Ақпарат көзі: Алматы қаласының Полиция департаменті