Бұл туралы Алматы қаласы әкімдігінің баспасөз орталығында өткен брифинг барысында Әлеуметтік әл-ауқат басқармасы басшысының орынбасары міндетін атқарушы Данияр Әлкебайұлы мәлімдеді.
2020 жылдан бастап аз қамтылған отбасылардың балалары үшін қажетті қосымша заттары бар кепілдендірілген әлеуметтік пакет қарастырылған.
«Бізде 4 мыңнан астам бала кепілдендірілген әлеуметтік пакет алатын болады. Бүгінде 4,3 мың КӘП тағайындалды. Бұл балалар жақында әлеуметтік пакеттерді алады», — деп хабарлады Әлеуметтік әл-ауқат басқармасы басшысының орынбасары міндетін атқарушы Д. Әлкебайұлы.
Әлеуметтік пакет:
• мектеп жасына дейінгі балалар үшін – балалар тағамы және гигиеналық керек-жарақтарды;
• мектеп жасындағы балалар үшін – мектептерде ыстық тамақ, мектеп формасы мен керек-жарақтарын сатып алу, қоғамдық көліктерде жол жүрудің 50%-ін өтеуді қамтитын болады.
Ақпарат көзі: Алматы қаласы әкімінің қоғаммен байланыс қызметі