Тиісті хабарландыру мемлекеттік сатып алу порталында жарияланды.
Техникалық сипатына сәйкес, автобустардың сыйымдылығы үлкен, едендері төмен, кондиционерлермен, бейнебақылау камераларымен, мүмкіндігі шектеулі жандар үшін пандустармен жабдықталуы және Евро-5 экологиялық стандартына сай болуы тиіс.
Жалпы, қалада көлік реформасы аясында 2018 жылы түрлі бағыт бойынша 479 жаңа автобус жүре бастады. BRT желісіндегі аялдамаларда алғашқы электронды таблолар пайда болды, оларда қоғамдық көліктің нөмірі, бағыты және аялдамаға қашан келетіні туралы ақпарат көрсетіледі.
Қазіргі кезде Желтоқсан - Төле би - ШАЖ - Құлжа жолын қамтитын ұзындығы 13,2 км болатын желінің екінші кезегінің жобалық-сметалық құжаттары жасалу үстінде.
Қоғамдық көлікте қызмет көрсету сапасын арттыру мақсатында жүргізушілер Біліктілік орталығында оқып жатыр. Сонымен қатар, автопарктер жүргізушілер үшін бірыңғай форма алуда.
Алматы қаласы әкімінің баспасөз қызметі