• қаз
  • рус

Алматыда күзде 250 мың ағаш отырғызылады

Қала әкімі Б. Сағынтаев «Алматы» телеарнасындағы Akimat Live бағдарламасының тікелей эфирінде алматылықтардың сұрақтарына жауап бере келіп, жаңа ықшамаудандарды жасылдандыру шаралары туралы айтты.

Өткен жылы «JasylAlmaty» көгалдандыру науқанының басталғаны белгілі, оның аясында «миллион» ағаш отырғызу міндеті қойылған болатын. Ең алдымен, жасылдандыру Жаңа Алматының ықшамаудандарында - Алатау және Наурызбай аудандарында басталды.

Күзгі маусымда 250 мыңға жуық жасыл желек отырғызу жоспарланған. Ағаш отырғызылатын аумақтың жалпы көлемі 452,6 гектарды құрайды. Қала бөлген қаражат есебінен 222 мың ағаш көшетін отырғызу жоспарланған, оның 218 мыңы жапырақты және 4 мыңы қылқан жапырақты (Алатау ауданы - 176 мың, Наурызбай - 5,5 мың, Түрксіб - 40 мың ағаш).

Дендролог, агроном, питомник сарапшыларымен бірге ағаш отырғызылатын алаңдар талқыланды, тұқым құрамы жасалды. Ағаш отырғызу үстіміздегі жылғы қыркүйек айының соңынан қарашаның ортасына дейін жүзеге асырылады.

Б. Сағынтаев 2030 жылға дейінгі Алматыны жасылдандыру стратегиясының әзірленуі туралы хабарлады, оның аясында 10 жылға арналған Дендрологиялық жасылдандыру жоспары қабылданады. Мұнда болашақта ағаш отырғызылатын орындар, жаңа жасыл аймақтар (құдықтар, суармалы арықтар), суару өзендері мен суару түрлері анықталады, ағаштар мен бұталардың түрлері көрсетіледі.

Жалпы, Алматыда 2,352 миллионға жуық ағаш бар, бірақ олардың тек 1,8 миллионы ғана зиян шекпеген немесе 76,5%. Салыстырмалы тұрғыда қаладағы ең жасыл аймақ - Медеу ауданы, мұнда 472 мыңнан астам ағаш бар. Ал Наурызбай мен Алатау аудандарында - сәйкесінше 202 мың және 179 мың ағаш. Жасылдандыру бойынша екінші орында Түрксіб ауданы тұр, мұндағы ағаш саны - 431,5 мың. Бостандық ауданы алғашқы үштікті жабады - шамамен 380 мың ағаш бар. Әуезов ауданындағы ағаш саны 255 мыңға жуық, Жетісуда 220 мың, Алмалыда 213 мың ағаш бар.

Алатау аудандағы Қарасу ықшамауданындағы осы аттас өзен бойына үлкен саябақ салынуда. Өзеннің бір жағалауына жаяу жүргінші аймағы жасалып, орындықтар қойылады, ал бос жатқан жер мен бұрынғы мәдениет үйінің орнында рекреациялық аймақ болады. Қоғамдық аймақта екі жазғы амфитеатр, ойын алаңы, тротуар және серуендейтін бөлігі бар демалыс аймағы болады. Ықшамауданның тура ортасында футбол ойнайтын спорт алаңы салынады. Бұл кеңістіктердің барлығы жаяу жүргінші жолдарына, сондай-ақ шіркеу және өзен бойындағы жағажайға жалғасады.

Айта кетерлігі, өнеркәсіптік Жетісу ауданында қоғамдық кеңістіктің тапшылығы өзекті мәселелердің бірі болатын. Биыл жасылдандыру бойынша ауқымды жұмыстар жүргізілуде. Ауданның барлық ықшамаудандарында 12 алаң абаттандырылды, оның үшеуі дайын, қалғандары қыркүйек айында пайдалануға беріледі.

Ақпарат көзі: Алматы қаласы әкімдігінің қоғаммен байланыс қызметі

Сайтта қате таптыңыз ба? Сөзді немесе сөйлемді бөлектеңіз және CTRL+ENTER батырмаларын басыңыз
Егер сіз осы мәтін үзіндісінен қате тапсаңыз
қателерді түзету үшін «жөнелту» батырманы басыңыз. Сонымен қатар өз түсіндірмелеріңізді қосуға болады.