Медеу-Шымбұлақ жолында 1982 жылы салынған көпір тау шаңғысы курорты мен мұз айдыны арасындағы көлік қатынасын қамтамасыз етеді.
«Көпір бірнеше жыл бойы апатты жағдайда болған. Былтыр желтоқсанда уақытша көпір жасалып, негізгі көпірде күрделі жөндеу басталды. Тіреуіштер мен жол төсемі толығымен ауыстырылды, қоршаулар орнатылды. Көліктің қауіпсіз қозғалысы үшін барлық қажетті шаралар қабылданды. Енді уақытша көпір алынады», - деп хабарлады Жолаушылар көлігі және автомобиль жолдары басқармасы.
Айта кетерлігі, бұл жер үсті көлігімен Шымбұлақ тау шаңғысы курортына жеткізетін жалғыз жол ретінде стратегиялық маңызы бар көпір.