Бұл туралы Өңірлік коммуникациялар қызметі алаңында өткен онлайн брифинг барысында Алматы қаласы Кәсіпкерлік және инвестициялар басқармасының басшысы Еркебұлан Оразалин хабарлады.
Басқармада хабарлағандай, жыл басынан бері қалада 4 жоба жүзеге асырылған. Сонымен қатар, жыл соңына дейін 10 жобаны іске қосу және жүзеге асыру жоспарлануда, оның 8-і индустриялық аймақта болады.
«Алматы қаласының индустриялық аймағын дамыту есебінен өнеркәсіп саласында инвестициялардың өсуі байқалады. Бізде таяу жылдары қаланың тұрақты дамуын қамтамасыз етуге мүмкіндік беретін белгілі бір ірі жобалар бар», — деп атап өтті басқарма басшысы.
Н. Оразалиннің айтуынша, өндіріс саласында жалпы өндіріс көлемінде де тұрақты өсім байқалады, ол 3,2% өсіммен 712,3 млрд тг, сондай-ақ өңдеу өнеркәсібінде 568 млрд тг немесе 103,1%-ды құрайды. Мұнда фармацевтикалық өнеркәсіп үлкен үлес алады — 152%.
Сонымен қатар, өңдеу өнеркәсібінің мынадай кіші салаларында көлемдер ұлғайды: сусындар өндірісі — 48,5 млрд тг немесе 108,1% (үлесі — 6,8%); қағаз және қағаз өнімдері өндірісі — 15,4 млрд тг немесе 206,6% (үлесі — 2,2%). Сондай-ақ — өзге де металл емес минералдық өнімдер өндіріс — 40,7 млрд тг немесе 102,7% (үлесі – 5,7%); машина жасау-85,5 млрд тг немесе 100,6% (үлесі — 12%, көлемі «Авиажөндеу зауыты 405» АҚ, «Алматы электр механикалық зауыты» ЖШС, «Hyundai Trans Auto» ЖШС, «Сайман корпорациясы» ЖШС сияқты кәсіпорындардың есебінен ұлғайды»; жеңіл өнеркәсіп — 8,5 млрд тг немесе 4,3 есе көп (үлесі — 1,2%); дайын металлургия бұйымдары — 19,3 млрд тг немесе 183,1% (үлесі — 2,7%).
Ақпарат көзі: Алматы қаласы әкімдігінің қоғаммен байланыс қызметі