• eng
  • қаз
  • рус

Алматыда полиция есірткі саудасымен күреске арналған мобильдік қосымшаны іске қосты

Алматы полициясы отандық компания - «KazCyberSystems» ЖШС-мен бірлесіп, немқұрайлы қарамайтын азаматтарға есірткі бизнесі саласындағы фактілер мен қылмыстық әрекеттер туралы хабарламаларды жіберуге мүмкіндік беретін жүйе әзірледі.

Жүйе фото және видео форматтағы, қажет болған жағдайда мәтіндік хабарламаларды жіберуге мүмкіндік береді. Бұл жүйе әзірге Алматыда жұмыс істейді, болашақта ел аумағына таралады.

«Әзірленген бағдарлама жөнелтушіге есірткі заттары жасырылған жерлер, оларды пайдалану, өткізу, тасымалдау мүмкіндігі туралы, есірткі қылмысына қатысты күдіктілердің қылмыстық ниеті мен тұрғылықты мекенжайы туралы хабарлауға мүмкіндік береді. Бұл ақпаратты азаматтар жасырын, яғни өзінің жеке сауалнамалық деректерін көрсетпей бере алады. Сонымен қатар аталған қосымша ақпаратты тек жіберуге мүмкіндік беретінін және оны пайдаланушылардың өзара хат жазысу платформасы болып табылмайтынын атап өткен жөн» - деді Алматы қаласы Полиция департаменті Есірткі бизнесіне қарсы күрес басқармасының басшысы полиция подполковнигі Талғат Беркенбаев.

Stoptraffic бағдарламасы қазір PlayMarket-те Android ОЖ жұмыс істейтін құрылғылар үшін қол жетімді. Алдағы уақытта IPhone құрылғыларына арналған қосымшаны әзірлеу жоспарлануда.

Ақпарат көзі:Алматы қаласы Полиция департаментінің баспасөз қызметі

Сайтта қате таптыңыз ба? Сөзді немесе сөйлемді бөлектеңіз және CTRL+ENTER батырмаларын басыңыз
Егер сіз осы мәтін үзіндісінен қате тапсаңыз
қателерді түзету үшін «жөнелту» батырманы басыңыз. Сонымен қатар өз түсіндірмелеріңізді қосуға болады.