Алматы қаласы Орталық мешіті және қолы ашық азаматтардың ұйытқы болуымен «УАҚЫП» асханасы ашылды. Қазақстан мұсылмандары діни басқармасының хабарлауынша, «УАҚЫП» асханасы жыл бойы әр аптаның бес күнінде жұмыс істейді.
Мұнда әлеуметтік аз қамтылған 100-120 адамға үш мезгіл тегін тамақ беріледі. Келген қонақтарға арнаулы бекітілген 7-8 адам сапалы қызмет көрсетеді. Сондай-ақ күніне бір кірген адам қайта кіру мүмкіндігіне ие.
Келушілер асханаға Алматы Орталық мешіті жанындағы «Ихлас» қайырымдылық қауымдастығынан алынған арнайы талондар арқылы ғана кіре алады.
Асхана Сейфуллин даңғылы №330, Радищев көшесінің қиылысында орналасқан.
Қосымша ақпарат үшін тел.: 8 778 100 3939; 8 708 213 7023; 8 775 719 9957