21 мамырдан бастап 10 маусымға дейін Әйтеке би көшесінің Сейфуллин даңғылынан Наурызбай батыр көшесіне дейінгі аралығында көлік қозғалысы тоқтатылады.
Уақытша шектеулер осы көшенің қозғалыс бөлігі астынан өтетін жылу магистралін жоспарлы жөндеуге байланысты енгізіледі. «Алматы жылу жүйесі» ЖШС өкілдері мәжбүрлі қолайсыздықтарға түсіністікпен қарап, аталған учаскені айналып өту бағыттарын алдын ала жоспарлап алуды сұрайды.
Тозған құбырларды заманауи құбырларға ауыстыруды қарастыратын Алматының инженерлік желілерін қайта жаңарту қалалық жылумен жабдықтау жүйесі жұмысындағы тәуекелдерді азайту үшін қажет.
Ақпарат көзі: «Алматы жылу жүйесі» ЖШС