1963 жылы салынған көпір қазіргі уақытта Наурызбай және Қарасай аудандары арасындағы көлік қатынасын қамтамасыз етеді. 2015 жылы тексеру негізінде көпір апатты деп танылған.
«Ескі көпір толығымен бұзылып, жаңасы салынды - тіреуіштер мен қабырғалар орнатылды, гидроизоляция жүргізілді, өтпелі плиталар мен аралық құрылыстар монтаждалды, бөгет және қоршаулар қойылды, екі қабатты асфальт-бетон жабыны төселді. Қайта салу барысында көпір кеңейтіліп, 4 жолақты қозғалыс және екі жағынан тротуар жасалды. Қабылданған шаралар осы көпірдің үстінде көлік қозғалысы қауіпсіздігінің жоғары деңгейін қамтамасыз етуге бағытталған», - деп атап өтті Алматының жолаушылар көлігі және автомобиль жолдары басқармасынан.
Еске салсақ, өткен аптада қайта жөндеуден кейін «Медеу» - «Шымбұлақ» көпірі ашылған болатын.