• eng
  • қаз
  • рус

Б. Сағынтаев Алматы экономикасын қалпына келтіру кезеңдері туралы айтты

Алматы қаласының әкімі Б. Сағынтаев жұртшылықпен және БАҚ өкілдерімен кездесуде 20 наурыздан кейін жұмысын жалғастыруы мүмкін кәсіпорындар туралы айтты.

Бүгін Алматы қаласының әкімі Бақытжан Сағынтаев республиканың жетекші БАҚ өкілдерімен және қоғам өкілдерімен онлайн режимінде кездесу өткізді. Кездесу барысында коронавирустық инфекциямен күрес шаралары туралы айтып, сұрақтарға жауап берді.

Қалада барлық тәуекел топтарының ПЦР әдісімен жедел-тестілеу және тестілеу басталды. Бұл 193 мың қызметкер, яғни, олардың қатарында әскери қызметшілер, полиция қызметкерлері, дәрігерлер, еріктілер, жүк және жолаушылар көлігінің жүргізушілері, теміржолшылар, ірі нысандардағы құрылысшылар, интернаттар, азық-түлік кәсіпорындары, ТКШ және т. б. қызметкерлері бар.

Жұқтырудың жасырын ошақтарын анықтаудың жаңа алгоритміне сүйене отырып, қалада эпидемияға қарсы іс-шаралар күшейтілді. Басты мақсат — эпидемиологиялық жағдайды тұрақты бақылауда ұстап, жұқтыру деңгейін төмендету болып табылады.

Б. Сағынтаев бүгінде күшейтілген карантин жағдайында қалада 210 мың жұмыс орнын қамтамасыз ететін кәсіпорындар мен ұйымдар жұмыс істеуін жалғастыруда, бұл экономикада жұмыспен қамтылғандардың 17%-ын құрап отырғанын айтып өтті.

Бұл ретте қатаң карантин кезеңінде жұмыспен қамтылғандардың жалпы саны 727,8 мың адамға қысқарды. Қашықтан жұмыс істеу режиміне, қаржы секторында, білім беру, мемлекеттік басқару, сондай-ақ, Ақпарат және байланыс салаларында жұмыс істейтін 200 мың адам көшті. Нәтижесінде 300 мыңға жуық адам уақытша табыссыз қалды.

«Мегаполистің әлеуметтік-экономикалық өмірін кезең-кезеңмен қалпына келтіру жоспарына сәйкес экономикалық белсенділікті қалпына келтіру үшін үлкен әлеуеті бар және сонымен қатар коронавирустық инфекцияны тарату үшін ең аз тәуекелдері бар секторлар анықталды. Бұл – қажетті санитарлық-эпидемиологиялық талаптарды сақтай отырып, 20 сәуірден бастап іске қосылуы мүмкін өнеркәсіп пен құрылыс салалары», — деді Бақытжан Сағынтаев.

Өнеркәсіп саласындағы шектеулерді алып тастау нәтижесінде 42,2 мың адам өз жұмыс орындарына оралады.

Құрылыс маусымының басталуына орай, сондай-ақ «Жұмыспен қамтудың жол картасы» және жаңа жобаларды іске асыруға бағытталған «Нұрлы жер» бағдарламасы аясында 34,5 мың жаңа жұмыс орнын ашу, әсіресе құрылыс саласында, жоспарда бар. Сонымен қатар, ауқымды құрылыс жұмыстарының басталуымен жобалаушылар мен іздестірушілерге, инжинирингтік компаниялар (авторлық және техникалық қадағалау), жобаларды сараптау сияқты мамандар мен қызметтер категорияларына қажеттілік пайда болады.

Бұдан өзге құрылыс саласының үздіксіз жұмыс істеуін қамтамасыз ету мақсатында көтерме құрылыс нарығын ашу қажет (қосымша қорытындысы бойынша 10,8 мың адам). Осылайша, осы сала бойынша жұмыспен қамтылғандардың саны 45,3 мың адамға ұлғаяды.

Бұдан өзге «БЖК-2025» және «Қарапайым заттар экономикасы» бағдарламаларын іске асыруға қатысатын кәсіпкерлердің кепіл мүлкін мемлекеттік тіркеу үшін нотариустар мен ХҚКО қызметін қайта бастау жоспарлануда.

Алдын ала деректер бойынша, 20 сәуірден бастап жұмыспен қамтылғандардың жалпы саны бір ай ішінде 89,4 мың адамға көбейеді.

Шектеулерді кезең-кезеңмен алып тастау қоғамдық көліктерді, соның ішінде аялдамалар мен метро аялдамаларын, кәсіпорындардың өздерінің жұмыс орындары мен халық көп жиналатын орындарды жаппай залалсыздандырумен қатар жүреді.

Екі сағатқа созылған онлайн-кездесуде Алматы қаласының әкімі Бақытжан Сағынтаев жұртшылық пен БАҚ өкілдерінен келіп түскен ең өзекті деген 25 сауалға жауап берді.

Сайтта қате таптыңыз ба? Сөзді немесе сөйлемді бөлектеңіз және CTRL+ENTER батырмаларын басыңыз
Егер сіз осы мәтін үзіндісінен қате тапсаңыз
қателерді түзету үшін «жөнелту» батырманы басыңыз. Сонымен қатар өз түсіндірмелеріңізді қосуға болады.