Жолаушылар ағынының артуына байланысты BRT желісінде №205 жаңа бағыт ашылды, мұндағы көлік Мұстафин - Рысқұлбеков - Сүлейменов - Жандосов - Тимирязев - Желтоқсан (кері бағытта Наурызбай батыр) - Төле би көшелерін, Шығыс айналма жолын және «Жетісу» базарын қамтиды. Бұл туралы Алматы әкімдігінің баспасөз қызметі хабарлады.
Бұл бағыт бойынша қызмет көрсету үшін 30 жаңа көлік әр 5 минут сайын жолға шығады. Төмен еденді автобустардың сыйымдылығы 180 адамнан асады. Көліктер кондиционерлермен, видеобақылау камераларымен, еңкейгіш кузовпен жабдықталған, әрі Евро-5 экологиялық санатына сай келеді. 18 метрлік автобустың төрт есігінің әрқайсысына «ОҢАЙ» терминалы орнатылған.