Есептік кездесуде қала әкімі тұрғындардың электр қуатындағы іркілістер туралы сұрақтарына жауап берді.
«Барлық иесіз жатқан желілер коммуналдық меншікке қабылданады. Сегіз ауданның алтауы бойынша жұмыс аяқталды, қалған екі ауданда жұмыс жалғасады. Мұнда барлық мәселелер сот арқылы шешіледі», – деді әкім Б. Сағынтаев.
Жалпы, бүгінде 544 иесіз нысан Алматы қаласы әкімдігінің қаулысымен қала балансына берілді. Қалғандары бойынша жұмыс жалғаса береді.
Иесіз желілерді қала балансына өткізу коммуналдық қызметтердің апаттық жағдайларға жедел әрекет етуіне мүмкіндік береді. Коммуналдық қызмет тарифтерінің төмендеуіне септігін тигізіп, жалпы қалалық тарифтермен теңестірілуіне мүмкіндік ашады.
Ақпарат көзі: Алматы қаласы әкімінің қоғаммен байланыс қызметі