Алматының Түрксіб ауданында маусым айының бірінші жартысында «Лев Толстой, 6Б», «Мелькомбинат», «№85 мектеп» және «Жас Қанат» қазандықтарында су жылыту жабдықтарын жөндеу жұмыстары жүргізіледі. Осыған байланысты:
- 1-5 маусым аралығында: Сүйінбай даңғ. – Щелков к-сі, Элеваторская к-сі – Щелков к-сі;
- 1-12 маусым аралығында: Спартак к-сі – Р. Зорге к-сі, Сауранбаев к-сі – Ақан сері к-сі, Нұрсая к-сі – Қостанай к-сі, Спасск к-сі – Клара Цеткин к-сі;
- 1-15 маусым аралығында: Коминтерн к-сі – Монтажная к-сі, Майлин к-сі – Баймағамбетов к-сі шеңберінде орналасқан бірқатар тұрғын үй мен өзге де ғимараттарға ыстық су уақытша берілмейді.
Қалалық жылу кешенін алдағы жылыту маусымына дайындау аясында жүргізілетін қазандық жабдықтарын жөндеу жұмыстары күз-қыс кезеңінде жылуды өндіру және тұтынушыларға беру үдерісіндегі тәуекелдерді азайту үшін қажет.
«Алматы жылу жүйесі» ЖШС өкілдері уақытша қолайсыздықтарға түсіністікпен қарауды сұрайды.