Бүгінде Алматыда жылу маусымы штаттық режимде өтуде.
Тыныс-тіршілікті қамтамасыз ету нысандары мен әлеуметтік нысандардың 100% жылуға қосылған және тұрақты жұмыс істеп жатыр.
Жылу маусымында қызмет көрсетуге жұмылдырылған коммуналдық қызметтер (Алматы жылу жүйесі, АЖКЭ, АлЭС, Алматы су, АЖК, ҚазТрансГаз-Аймақ) жоғары дайындық режимінде жұмыс істейді.
Алматы қаласының оңтүстік бөлігіндегі тұрғындарды электрқуатымен үздіксіз қамтамасыз ету және әл-Фараби - Жароков - Тимирязев - Розыбакиев көше шеңберіндегі жаңа тұрғын үй кешендерінің құрылысын қарқынды жүргізу үшін «Каскад» ҚС 110/35/10-6кВ және «Алмагүл» ҚС 110 кВ жаңа қосалқы стансалардың құрылысы басталды.
Қазандықтың қуатын арттыру және Алматының оңтүстік ауданында жылу энергиясының тапшылығын жою үшін, сондай-ақ жылу маусымы кезеңінде тұтынушыларды жылу энергиясымен үздіксіз қамтамасыз ету үшін «Оңтүстік» аудандық қазандығы қуатын 55 Гкал-ға ұлғайта отырып, қайта жаңғыртылуда.
Жыл сайын барлық жұмыстар Алматы қаласының тұрғындарын инфрақұрылыммен үздіксіз қамтамасыз ету мақсатында жүргізіледі.
Бірінші кезектегі мақсат – бұл тұрғындардың жайлы өмір сүруіне жағдай жасау, коммуналдық қызметтердің қолжетімділігі және нақты тұтынған энергия үшін төлем жүргізу.
Ақпарат көзі: Алматы қаласы әкімдігінің қоғаммен байланыс қызметі