Мен бала асырап алғым келеді

Кім бала асырап алушы бола алады?

Бала асырап алу рәсімдері ережесі бойынша, физикалық және психикалық тұрғыда дені сау, табысы тұрақты және тұрғын үйі бар жалғыз басты әйел де, сондай-ақ отбасылық жұп та бала асырап алуға үміткер бола алады. Ерекшелік ретінде бала асыраушы сондай-ақ, іс жүзінде жетім немесе ата-анасының қамқорлығынсыз қалған бала тәрбиелеп отырған ер адам болуы мүмкін.

Сіз бала асырап алу мүмкіндіктері мен жолдары туралы толық ақпаратты тіркеу орны бойынша Алматы қаласының аудандық Қорғаншылық және қамқоршылық жөнінде білім басқармасынан алуынызға болады.

Білім беру Басқармасында бала асырап алуға үміткер ретінде есепке қою

Бұл үшін Алматы қаласының Білім беру басқармасында бала асырап алуға үміткер ретінде есепке тұрып, келесі құжаттарды тапсыру қажет:

1. бала асырап алуға тілек білдіргені туралы өтініш;
2. қызметті алушының жеке басын куәландыратын құжат (сәйкестендіру үшін талап етіледі);
3. бала асырап алуға арналған жақын туыстарының жазбаша келісімі;
4. жиынтық табыс мөлшері туралы анықтама (жұмыс орнынан жалақы туралы анықтама, кәсіпкерлік қызметпен айналысудан алынатын табысы туралы және өзге де барлық бірге тұратын отбасы мүшелерінің табысы). * Қазақстан Республикасының неке-отбасы заңнамасына сәйкес отбасы мүшелері ата-аналары мен балалары болып табылады;
5. отбасылық жағдайы туралы анықтама (2008 жылға дейін ерлі-зайыпты (ажырасқан) болған жағдайда неке қию (бұзу) туралы куәлік, 2007 жылдың 13 тамызына дейін туылған немесе Қазақстан Республикасында туылмаған (балалары болса) жағдайда балалардың туу туралы куәліктерінің көшірмелері);
6. денсаулық жағдайы туралы анықтама (тіркелген жері бойынша емханада алынған денсаулық жағдайы туралы 086|у анықтамасы, сондай-ақ Алматы қаласының психикалық денсаулық Орталығында берілетін психикалық тұрғыда дені сау екендігі туралы анықтама және медициналық-әлеуметтік түзету Орталығында берілетін есірткіге (уытқұмарлыққа), алкогольге тәуелділігі жоқ екенін білдіретін анықтама).

Құжаттар салыстыру үшін түпнұсқаларда ұсынылады, содан кейін құжаттардың түпнұсқалары көрсетілетін қызметті алушыға қайтарылады.

Қызмет көрсету мерзімі: 15 күнтізбелік күн.

Қызмет көрсетудің соңғы нәтижесі: асырап алушылар үміткер (үміткерлер) болу мүмкіндігі не мүмкін еместігі туралы қорытынды.

Еgov.kz порталында уміткер ретінде есепке алу

Ол үшін қажет:

1. ЭЦҚ (электронды цифрлық қолтаңба) алу;
2. тіркелу және өтініш беру;
3. құжаттарды бекіту:

• жақын туыстарының бала асырап алуға арналған жазбаша келісімінің электрондық көшірмесі;
• жиынтық табыс мөлшері туралы анықтаманың электрондық көшірмесі (жұмыс орнынан жалақысы туралы, кәсіпкерлік қызметтегі табысы және бірге тұратын барлық отбасы мүшелерінің өзге де табыстары туралы анықтама);
• отбасылық жағдайы туралы анықтамасының электрондық көшірмесі (2008 жылға дейін ерлі-зайыпты (ажырасқан) болған жағдайда неке қию (бұзу) туралы куәлік, 2007 жылдың 13 тамызына дейін туылған немесе Қазақстан Республикасында туылмаған (балалары болса) жағдайда балалардың туу туралы куәліктерінің көшірмелері);
• денсаулық жағдайы туралы анықтаманың электрондық көшірмесі (тіркелген жері бойынша емханада алынған денсаулық жағдайы туралы 086|у анықтамасы, сондай-ақ Алматы қаласының психикалық денсаулық Орталығында берілетін психикалық тұрғыда дені сау екендігі туралы анықтама және медициналық-әлеуметтік түзету Орталығында берілетін есірткіге (уытқұмарлыққа), алкогольге тәуелділігі жоқ екенін білдіретін анықтама) .

Ескерту: қызметті алушының жеке басын растайтын құжаттардың, тұрғын үйге меншік құқығын немесе тұрғын үйді пайдалану құқығын растайтын құжаттардың көшірмелерін, құқықтық статистика Комитетінің және Қазақстан Республикасы Бас прокуратурасының адамның қылмыс жасағаны туралы арнайы есепке алғанын не алмағаны туралы анықтама бекіту талап етілмейді. Бұл мәліметтерді қызметті беруші мемлекеттік ақпараттық жүйелерден «электрондық үкімет» шлюзі арқылы алады.

Қызмет көрсету мерзімі: 15 күнтізбелік күн.

Қызмет көрсетудің соңғы нәтижесі: асырап алушылардың үміткер (үміткерлер) болу мүмкіндігі не мүмкін еместігі туралы қорытынды дайын екендігіне хабарлама жасау.

Бала таңдау үшін мекемеге жолдау алу

Сіздің кандидатураңызды (кандидатураларынызды) мақұлдаған жағдайда, жетім балалар мен ата-анасының қамқорлығынсыз қалған балалар мекемелеріне бала таңдау үшін жолдау алуыңыз керек.

Жоғарыда көрсетілген құжаттарды тапсырып және сіздің кандидатураңызды мақұлдағаннан кейін Алматы қаласының аудандық бөлімінің Қорғаншылық және қамқоршылық жөніндегі білім басқармасының мамандары сізге жолдау береді.

Баламен жеке танысу және байланыс орнату үшін, баланың жеке құжаттарын зерттеуге сізге міндетті түрде кемінде екі апта беріледі. Осы мерзім өткен соң танысу фактісін жазбаша нысанда баланың денсаулық жағдайы, сондай-ақ бас тартуды немесе одан әрі баланы асырап алу рәсіміне қатысуды растау керек.

Асырап алушы ата-аналарға арналған мектепке бару

Бала асырап алу рәсімін жалғастыру ниеті болған жағдайда, асырап алушы ата-аналарға арналған мектепке бару міндетті шарты болып табылады.

Асырап алушы ата-аналарға арналған мектептен асырап алған балаларды тәрбиелеу ерекшеліктері туралы және баланы өз үйінізге қабылдауға моральдық және іс жүзінде дайындау жайлы біле аласыздар.

Бір жасқа дейінгі жетім, ата-анасының қамқорлығынсыз қалған балаларды асырап алуға тілек білдірген адамдар бала асырап алу рәсімдері аяқталғанға дейін баланы қорғаншылыққа немесе патронатқа алуға құқығы бар екендігін білуіңіз керек.

Аралық қызмет көрсету нәтижесі: жетім балалар мен ата-анасының қамқорлығынсыз қалған мекемесіне жолдау алу.

Бала асырап алу құқығын беру өтінішімен Алматы қаласының кәмелетке толмаған балалар жөніндегі Мамандандырылған ауданаралық сотына жүгіну

Алматы қаласының кәмелетке толмаған балалар жөніндегі Мамандандырылған ауданаралық сотына барғаннан кейін сізге Алматы қаласының Білім басқармасының қорғаншылық және қамқоршылық бөлімінің баланы асырап алуға рұқсаты бар барлық құжаттарды өткізуініз керек.

Арыз қанағаттандырылған жағдайда баланы асырап алу туралы сот шешімі баланы асырап алуды мемлекеттік тіркеу ушін, сондай-ақ Алматы қаласы Білім басқармасының аудандық қорғаншылық және қамқоршылық бөлімі бала асырап алушы кандидатты тіркеу бойынша, АХАТ органына жіберіледі. Сот арқылы жеке деректерін өзгерту мәселесі шешіледі (оның аты, тегі, туған күні мен жерін).

Ескерту: асырап алынған бала он жасқа толған болса, оның атын, әкесінің атын және тегін өзгерту тек оның келісімімен жасалынады. Бала асырап алу құпиясын сақтау талап етілетін жағдайларды қоспағанда.

Қызмет көрсетудің соңғы нәтижесі: бала асырап алу туралы сот шешімі.

Бала асырап алу туралы куәлікті және туу туралы куәлікті алу

Алматы қаласы соттың орналасқан жері бойынша аудандық АХАТ бөлімінде бала асырап алу және туу туралы куәлігін алу.

Ол үшін мынадай құжаттарды ұсыну қажет:

1. бала асырап алуды (қыз асырап алу) тіркеу өтініші;
2. жеке басын куәландыратын, ата-анасының біреуінің құжаты (сәйкестендіру үшін);
3. бала асырап алу туралы сот шешімінің көшірмесі;
4. баланың туу туралы куәлігі;
5. бала асырап алушылардың (егер 2008 жылдан кейін Қазақстан Республикасының аумағында некелескен жағдайларынан басқа) неке туралы куәлігінің көшірмесі;
6. қызметті алушының орнына өкілі жүгінетін болса, нотариалды куәландырылған сенімхат

Қазақстан аумағында тұрып жатқан шетелдік бала асырап алушылар жоғарыда көрсетілген құжаттарға қосымша келесі құжаттарды ұсынады:

1. шетелдіктің тұруға ықтиярхаты;
2. мәтіні қазақ немесе орыс тіліне нотариалдық куәландырған аудармасымен, жеке басын куәландыратын құжат;
3. мемлекеттік баж төленгені туралы түбіртек (шетелдік бала асырап алушылар ғана мемлекеттік баж салығын төлейді).

Қызмет көрсету мерзімі: 1 жұмыс күні. Акті жазбасына өзгерістер, толықтырулар мен түзетулер енгізу - 15 күнтізбелік күн. Басқа мемлекеттік органдарына сұратып жатқан жағдайда - 30 күнтізбелік күнге дейін.

Қызмет көрсетудің соңғы нәтижесі: бала асырап алу (қыз асырап алу) туралы куәлікті және туу туралы куәлікті алу.

Бала асырап алудан кейінгі сіздің құқықтар мен міндеттеріңіз

Сіз Алматы қаласы Білім басқармасының қорғаншылық және қамқоршылық бөліміне баланың өмір сүру, білім алу, тәрбиелену және денсаулық жағдайы жайында кемінде жылына 1 рет 18 жасқа дейін бала асырап алу туралы соттың шығарған орны бойынша жазбаша есеп беруіңіз тиіс. Есеп бар қатаң есептілікті міндет етпей, сипаттамалық болып табылады. Оған сіз баланың әдеттегі суреттерін салып тұрасыз. Сондай-ақ сіз қорғаншылық және қамқоршылық органдары тарапынан жүргізілетін жүйелі тексеріске дайын болуыныз керек.

Сіз құқылысыз:

1. егер сіз тәрбиеге жаңа туылған нәрестені алған болсаңыз, бала бір жасқа жеткенше балаларға арналған жәрдемақыалуға құқығыныз бар.      * Егер сіз міндетті әлеуметтік сақтандыру жүйесінің қатысушысы болмаған жағдайда ғана, сізге бала күтімі бойынша жәрдемақы тағайындалуы мүмкін;
2. егер сіз тәрбиеге мүмкіндігі шектеулі баланы алсаныз, мүгедек баланы тәрбиелеушіге арналған жәрдемақы алуға құқығыныз бар;
3. жәрдемақы тағайындау үшін сіз тұрғылықты Алматы қаласы аудандық бөлімшесі «КЕАҚ-ның Мемлекеттік корпорациясы «азаматтарға арналған Үкімет» (ХҚКО) тіркеу орны бойынша белгіленген үлгідегі өтініш жаза аласыз.

Бұл үшін қажетті құжаттар:

1. қызмет алушының жеке басын куәландыратын құжат (Қазақстан Республикасы азаматының жеке куәлігі, Қазақстан Республикасында тұрақты тұрып жатқан шетелдіктің тұруға ықтиярхаты) - сәйкестендіру үшін талап етіледі, сондай-ақ оралмандар үшін - оралман куәлігі;
2. баланың (балалардың) туу туралы куәлігінің (куәліктері) көшірмесі немесе туу туралы актілік жазбалар;
3. қызмет алушының және мүгедек баланың тұрғылықты жері бойынша тіркеуін растайтын құжат;
4. баланың мүгедектігі туралы анықтама;
5. банк шотының нөмірі туралы мәліметтерді растайтын құжат (сіздің жиырма аңбалы банктік шотыныздың көшірмесі);
6. бала асырап алуды (қыз асырап алу) растайтын құжат (бала (қыз) асырап алу куәлігі;
7. неке қию (бұзу) туралы куәлік (қызметті алушының деректері мен баланың тууы туралы куәлігінде алшақтық болған жағдайда).

Қызмет көрсету мерзімі: 7 жұмыс күні. Іс материалдарын жете ресімдеуге дейін қажет болған жағдайларда 30 жұмыс күніне дейін ұзартылуы мүмкін.

Қызмет көрсетудің соңғы нәтижесі: жәрдемақы тағайындау туралы хабарлама (смс-хабарлама арқылы).

Табысы төмен отбасындағы балаларға арналған жәрдемақы

Егер сіздің отбасыңыздың жан басына шаққандағы орташа табысы азық-түлік себетінің құнынан төмен болса (ең төменгі күнкөріс деңгейінің шамасынының 60%-на тең (2016 ж. - 22 859 тг.)), сіз 18 жасқа дейін балаларға арналған жәрдемақы алуға құқығыныз бар (әрбір балаға1 АЕК), табысы төмен отбасыларға.

ҚР Заңының 9-бабына сәйкес «Балалы отбасыларға берілетін мемлекеттік жәрдемақылар туралы», балаларға арналған жәрдемақы ағымдағы тоқсанға жан басына шаққандағы орташа табысы ескере отырып тағайындалады және жүгінген айдан бастап ай сайын төленеді.

Төлемдерді тағайындау жүргізіледі:

1. аудандық «КЕАҚ Мемлекеттік корпорациясы» «азаматтарға арналған Үкімет» (ХҚКО) бөлімшесі арқылы тіркеу орны бойынша. Бұл үшін қажет:

• белгіленген үлгідегі өтініш;
• баланың (балалардың) туу туралы куәлігінің көшірмесі не актілік жазбадан үзінді көшірме;
• жеке тұлғаңызды куәландыратын құжаттың көшірмесі (шетелдіктер Қазақстан Республикасында шетелдіктің тұруға ықтиярхатын, «оралман» мәртебесі бар тұлғалар - оралман куәлігін ұсынады);
• барлық отбасы мүшелерінің мекенжай анықтамасы (Қазақстан Республикасының неке-отбасы заңнамасына сәйкес отбасы мүшелері деп ата-аналары мен балалары танылады);
• отбасы құрамы туралы мәліметтер (жеке басын куәландыратын құжаттар мен туу туралы куәліктердің көшірмесі негізінде мемлекеттік орган берген отбасы құрамы туралы анықтама бланкісі толтырылады);
• отбасы мүшелерінің табысы туралы мәлімет (өтініш берушінің және оның отбасы мүшелерінің жұмыс орнынан табысы туралы анықтама);
• неке қию (бұзу) туралы куәлік (қызметті алушының деректері мен баланың тууы туралы куәлігінде алшақтық болған жағдайда);
• қамқоршы (қорғаншылық) немесе бала (қыз) асырап алу белгіленгенін растайтын құжат (сіз қорғаншылық (қамқоршылық) болған немесе асырап алған жағдайда).

Қызмет көрсету мерзімі: 7 жұмыс күні.

Қызмет көрсетудің соңғы нәтижесі: 18 жасқа дейінгі балаларға жәрдемақы тағайындау туралы хабарлама алу немесе мемлекеттік қызмет көрсетуден бас тарту туралы себептемелі жауап алу.

2. Алматы қаласы аудандық жұмыспен қамту және әлеуметтік бағдарламалар бойынша тіркеу орны. Бұл үшін қажет:

• белгіленген үлгідегі өтініш;
• баланың (балалардың) туу туралы куәлігінің не актілік жазбадан үзінді көшірмесі;
• қызмет алушының жеке басын куәландыратын құжат (Қазақстан Республикасы азаматының жеке куәлігі, Қазақстан Республикасында тұрақты тұрып жатқан шетелдіктің тұруға ықтиярхаты) - сәйкестендіру үшін талап етіледі, сондай-ақ оралмандар үшін - оралман куәлігі;
• барлық отбасы мүшелерінің мекенжай анықтамасы (Қазақстан Республикасының неке-отбасы заңнамасына сәйкес отбасы мүшелері деп ата-аналары мен балалары танылады);
• отбасы құрамы туралы мәліметтер (жеке басын куәландыратын құжаттар мен туу туралы куәліктердің көшірмесі негізінде мемлекеттік орган берген отбасы құрамы туралы анықтама бланкісі толтырылады);
• отбасы мүшелерінің табысы туралы мәлімет (өтініш берушінің және оның отбасы мүшелерінің жұмыс орнынан табысы туралы анықтама, соның ішінде жеке қосалқы шаруашылықтың болуы туралы мәлімет);
• неке қию (бұзу) туралы куәлік (қызметті алушының деректері мен баланың тууы туралы куәлігінде алшақтық болған жағдайда);
• қамқоршы (қорғаншылық) немесе бала асырап алу (қыз асырап алу) белгіленгенін растайтын құжат (сіз қорғаншылық(қамқоршылық) болған немесе асырап алған жағдайда).

Ескерту: жеке басын куәландыратын құжатты, баланың туу туралы куәлігін немесе туу туралы акт жазбасының көшірмесін (Қазақстан Республикасының аумағында 2007 жылдың 13 тамызынан кейін жүргізілген тіркеулер бойынша), неке қию туралы куәлікті (Қазақстан Республикасының аумағында 2008 жылдың 1 маусымынан кейінгі жүргізілген тіркеулер бойынша), тұрақты тұрғылықты жері бойынша тіркелгенін растайтын құжатты, қамқоршылық (қорғаншылық) орнату немесе бала асырап алуды растайтын құжаттарды ұсыну мемлекеттік ақпараттық жүйелерменталап етілмейді

Қызмет көрсету мерзімі: 7 жұмыс күні.

Қызмет көрсетудің соңғы нәтижесі: 18 жасқа дейінгі балаларға жәрдемақы тағайындау туралы хабарлама алу немесе мемлекеттік қызмет көрсетуден бас тарту туралы себептемелі жауап алу.

Жетім баланы және (немесе) ата-анасының қамқорлығынсыз қалған баланы асырап алуға байланысты біржолғы ақшалай төлемді тағайындау

Бала асырап алушы ретінде сіз жетім баланы және (немесе) ата-анасының қамқорлығынсыз қалған баланы асырап алуға байланысты біржолғы ақшалай төлем ақы алуға құқыныз бар. Ақшалай төлем ақы алу үшін:

1. www.egov.kz порталы арқылы жүгіне аласыз. Бұл үшін сізге қажет:

• ЭЦҚ алу;
• ЭЦҚ-мен куәландырылған сұрату жіберу;
• құжаттардың электрондық көшірмелерін сұратумен бірге жіберіңіз:

- баланы асырап алу туралы заңды күшіне енген сот шешімінің көшірмесі;

- екінші деңгейдегі банкте немесе банк операцияларының жеке түрлерін жүзеге асыруға Қазақстан Республикасы Ұлттық банкінің лицензиясы бар ұйымда бала асырап алушылардың бірінің атына жеке шоттың ашылғаны туралы шарттың көшірмесі.

Тіркелуге талап етілмейтін құжаттардың көшірмелері:

1. жеке басын куәландыратын;
2. құқықтық статистика Комитетінің және Қазақстан Республикасы Бас прокуратурасының адамның қылмыс жасағаны туралы арнайы есепке алынғаны болуы не болмауы туралы анықтама мәлімет, жұбайына да қатысты.

Осы мәліметтерді қызметті беруші мемлекеттік ақпараттық жүйелерден «электрондық үкімет» шлюзі арқылы алады.

Қызмет көрсету мерзімі: 10 жұмыс күні.

Қызмет көрсетудің соңғы нәтижесі: жетім баланы және (немесе) ата-анасының қамқорлығынсыз қалған баланы асырап алуға байланысты біржолғы ақшалай төлемді тағайындау шешімі электрондық құжат ретінде қызметті берушінің уәкілетті адамының электрондық цифрлық қолтаңбасымен расталады.

2. Алматы қаласы Білім басқармасы. Бұл үшін қажетті құжаттар:

• өтініш;
• баланы асырап алу туралы заңды күшіне енген сот шешімінің көшірмесі;
• жеке басын кәуландыратын құжат;
• екінші деңгейдегі банкте немесе банк операцияларының жеке түрлерін жүзеге асыруға Қазақстан Республикасы Ұлттық банкінің лицензиясы бар ұйымда бала асырап алушылардың бірінің атына жеке шоттың ашылғаны туралы шарттың көшірмесі.

Қызмет көрсету мерзімі: 10 жұмыс күнi.

Мемлекеттік қызмет көрсетудің соңғы нәтижесі: жетім баланы және (немесе) ата-анасының қамқорлығынсыз қалған баланы асырап алуға байланысты біржолғы ақшалай төлемді тағайындау.

Ескерту: ата-аналар, туыстары, бала асырап алуды мемлекеттік тіркеуді жүзеге асыратын қорғаншылық және қамқоршылық бөлімінің, мемлекеттік органдарының лауазымды тұлғалары, бала асырап алу туралы шешім шығарған судьялар, сондай-ақ бала асырап алу туралы өзгеше түрде хабардар болған басқа да адамдар бала асырап алу құпиясын сақтауға міндетті. Осы бапты бұзған жағдайда олар қылмыстық жауапкершілікке тартылды.