Жыл сайын ICCA оларда өткізілген халықаралық конгрестер мен конференциялар саны бойынша қалалардың рейтингін жариялайды. Бұл рейтинг бүкіл әлем бойынша іскерлік іс-шараларды өткізу үшін ең танымал орындар туралы ақпаратты ұсынады.

Жаһандық  рейтингтің бес көшбасшысына дәстүрлі түрде Париж (156 кездесу), Сингапур (152 кездесу), Лиссабон (151 кездесу), Вена (141 кездесу) және Барселона (139 кездесу) кірді. Қазақстанның астанасы Астана қаласы рейтингте 332 орында тұр.  Жалпы бір жыл ішінде елге 13 халықаралық іскерлік іс-шаралар тартылды. Бұл ретте шетелдік туристің орташа чегі 1438 АҚШ долларын құрады.

ICCA-ға мүшелік Алматыда MICE-туризмді (іскерлік туризмді) дамытуда шешуші рөл атқарады. Бұл қалаға туристік ұйымдармен жаңа серіктестік орнатуға, халықаралық іс-шараларды көбірек тартуға және халықаралық аренада беделін арттыруға мүмкіндік береді. ICCA-ға кіру Алматының іскерлік туризм орталығы ретіндегі ұстанымын нығайту және оның халықаралық іскерлік оқиғалар үшін тартымдылығын арттыру жөніндегі стратегияның бір бөлігі болып табылады.

ICCA рейтингі өткізілген іс-шаралардың саны мен ауқымына байланысты жыл сайын өзгеріп отырады. ICCA мүшелері 88 елден 950 қала болып табылады және қауымдастық MICE индустриясындағы ынтымақтастықты және дамуды қолдайтын маңызды деректер мен зерттеулерді ұсынады. Алматының жоспарында-жылына 20-ға дейін халықаралық іскерлік іс-шаралар өткізу, бұл MICE-туризмнің әлемдік рейтингінде Қазақстанның позициясын нығайтуға көмектеседі, онда ол 80-ші орында.

Ақпарат көзі: Алматы қаласы әкімдігінің баспасөз қызметі

28 мамыр 2024