«Бұл жоба пилоттық режимде Мемлекет басшысының тапсырмасы бойынша полиция жұмысының сервистік моделіне көшу бойынша іске асырылды, оның негізгі мақсаты – қоғаммен ашық диалог және тұрғындардың сұраныстарына жедел ден қою. Біз үшін азаматтардың құқық қорғау қызметтерін және тыныш жағдайда қажетті құқықтық көмекті алуы үшін қолайлы жағдай жасау маңызды. Тұрмыстық зорлық-зомбылық құрбандарына көмек көрсетуге және жасөспірімдер арасындағы қылмыстың алдын алуға ерекше көңіл бөлінді», - деді Алматы әкімі Ерболат Досаев.

Орталықтарда 55 қызмет түрі көрсетіледі. Мамандар көші-қон және әкімшілік заңнама, құқық бұзушылықтардың алдын алу, отбасыларда зардап шеккен әйелдердің құқықтарын қорғау мәселелерін шешуге көмектеседі. Ол үшін барлық жағдайлар жасалды-инспекторлар мен психологтар қабылдайтын жеке кабинеттер болады.

Көші-қон полициясының инспекторлары шетел азаматтарын тіркеу немесе қайта тіркеу бойынша қызметтер көрсетеді, Қазақстан Республикасынан тыс жерлерге келу немесе кету, азаматтықты алу және тұрақты тұру үшін құжаттарды ресімдейді.

Автокөлік иелеріне ЖКО фактілері бойынша консультациялар беріледі, автокөлікке әкімшілік айыппұлдардың, ауыртпалықтар мен шектеулердің бар-жоғын тексеруге, көлік құралын қайта жабдықтау жөніндегі құжаттарды ресімдеуге көмектеседі.

Орталықтарда заңгерлер, медиаторлар, ішкі істер органдарына оқуға және қызметке қабылдау жөніндегі консультанттар, сондай-ақ қару алып жүруге және сақтауға рұқсат беру жөніндегі қызметкерлер жұмыс істейтін болады.

Азаматтарды қабылдауды уәкілетті құзыретті қызметкерлер - тергеушілер, жедел уәкілдер, учаскелік инспекторлар жүргізеді. Деректер базасы қол жетімді болады, бұл бұрын берілген өтінішті қарау барысы туралы білуге немесе жауапкершілікке тарту себептері туралы ақпарат алуға мүмкіндік береді.

Цифрландыру басқармасымен бірлесіп зияткерлік бейнебақылау жүйесі жұмыс істейді, оның көмегімен жоғалған затты тауып қана қоймай, қылмысты жедел ашып, құқық бұзушылықты анықтауға болады.

Орталықтардың жұмыс кестесі-сағат 9:00-ден 20:00-ге дейін. Сағат 23:00-ге дейін учаскелік полиция инспекторлары азаматтарды қабылдайды. Тұрғындармен тікелей байланыста болатын бұл қызметті дамытуға қала әкімінің тапсырмасы бойынша ерекше көңіл бөлінеді.

Болашақта архивтік анықтамалар мен басқа да қызметтерді растау бойынша полицияның сервистік орталықтарының функционалын кеңейту жоспарлануда.

Ақпарат көзі: Алматы қаласы әкімдігінің баспасөз қызметі