Отырысқа Полиция департаментінің, ҰҚК департаментінің, прокуратураның, ҚР ІІМ Есірткі қылмысына қарсы іс-қимыл комитетінің, әкімдіктің салалық басқармалары мен аудан әкімдіктерінің өкілдері қатысты.

Отырыста оқушылар мен олардың ата-аналары арасында нашақорлықтың алдын алу мәселесі, сондай-ақ Алматыда «НаркоСтоп» жобасының іске асырылу барысы қаралды.

Мемлекет басшысының тапсырмасына сәйкес білім беру ұйымдарындағы ақпараттық-түсіндіру жұмыстарын күшейтуге, сондай-ақ әлеуметтік желілерде есірткі мен алкогольді насихаттауға жүйелі түрде қарсы іс-қимыл жүргізуге ерекше назар аударылды.

Отырыс қорытындысы бойынша жасөспірімдер арасындағы профилактикалық жұмысты жандандыру және мемлекеттік органдардың өзара іс-қимылын жақсарту жөнінде тапсырма берілді.

Ақпарат көзі: Алматы қаласы әкімдігінің баспасөз қызметі.