Қала басшысы атап өткендей, орталықсыздандыру аясында аудан әкімдіктеріне 198 мың жарық нүктелері мен оларға қызмет көрсету функциялары берілді. Бұл қысқа мерзімде жанбайтын жарық нүктелерінің үлесін 47% - дан 25% - ға дейін төмендетуге ықпал етті.

Оның айтуынша, Алматыда диспетчерлік пункт құрылып, 39 қосымша арнайы техника сатып алынып, штат 300 адамға дейін ұлғайтылды, бұл 250-ден астам жаңа жұмыс орнын ашуға мүмкіндік берді, сол арқылы бригадалар саны 40-қа жетті. 

"2024 жылдың соңына дейін 1,6 млрд теңгеге 800 ШУНО сатып алынады. Қосымша 35 мың жарықдиодты-жарық тиімділігі жақсартылған және драйвері бар қазақстандық өндірістің жарық диодты шамдары сатып алынды, оның ішінде бүгінгі күні 26 мыңнан астам бірлік орнатылды, бұл желінің ұзындығы 12,8 км болатын бұрын жарықсыз 79 учаскені сыртқы жарықпен қамтамасыз етуге мүмкіндік берді", - деді Ерболат Досаев. 

Айта кетейік, жыл басынан бері қаладағы көшелерді жарықтандырудың басым бөлігі үшін "Алматы Қала Жарық" Мемлекеттік коммуналдық кәсіпорны жауапты. 

Бұған дейін бұл функцияларды үш компаниядан тұратын жеке консорциум орындаған: ABM-Building 2007 ЖШС, "Электроремонт" ЖШС және ABM-Project ЖШС. Алайда, жеке серіктес модернизация бағдарламасын  игере алмады және онымен келісім бұзылды.

Бұған дейін хабарланғандай, 2024 жылы Алматыда сыртқы жарықтандыруды модернизациялау бойынша ауқымды жұмыстар басталып, 2025 жылдың соңына қарай қаланың барлық аудандары толық жарықтандырылатын болады. Бұл мәселені шешу үшін әр ауданда арнайы жарықтандыру бағдарламалары әзірленді. Егер жарық нүктелері бір жерде жұмысын тоқтатқан жағдайда, тұрғындар Open Almaty және e-Otinish платформалары арқылы хабарласа алады. Мұндай өтініштер жедел қаралады.