17 наурыз — Шаңырақ күніне орай Медеу ауданы әкімдігінің өкілі, «Отбасы қолдау орталығының» директоры Арлан мырза перинаталдық орталыққа барып, жас аналарды мәні терең мерекемен құттықтады.

Іс-шара барысында аналарға алғыс хат пен естелік сыйлық табысталды. Қонақтар ақжарма тілектерін ақтарып, құттықтады.

Айта кетейік, Шаңырақ күні — отбасы құндылықтарын, бірлік пен татулықты насихаттайтын ерекше мереке. Ал сәбилің дүниеге келуі — әрбір шаңыраққа қуаныш пен үміт сыйлайтын маңызды сәт.

Осындай игі шаралар қоғамда мейірім мен қамқорлықты нығайтып, жас отбасыларға қолдау көрсетудің маңызын арттыра түседі.



Ақпарат көзі: Алматы қаласы әкімдігінің баспасөз қызметі