Жәрмеңкеге 40 фермер қатысып, Алматыға 200 тоннадан астам балғын ауыл шаруашылығы өнімін алып келеді. Сауда сөрелерінде маусымдық жеміс-жидектер мен көкөністер, табиғи кептірілген жемістер және шығыс тәттілері болады. Қала тұрғындары мен қонақтары өнімді тікелей өндірушілерден қолжетімді бағамен сатып ала алады.

Жәрмеңке Қазақстан мен Тәжікстан арасындағы сауда-экономикалық ынтымақтастықты нығайтуға, фермерлерді қолдауға және тұтынушыларды сапалы, балғын өнімдермен қамтамасыз етуге бағытталған.

Қала тұрғындары мен қонақтарын жәрмеңкеге келіп, фермерлерді қолдауға және жаңа өнімнің дәмін татуға шақырамыз!

Ақпарат көзі: Алматы қаласы әкімдігінің баспасөз қызметі