Тіліңізді таңдаңыз
«Халық қатысатын бюджет» жобасы: алматылықтар 4 632 өтінім берді
Алматыда «Халық қатысатын бюджет» жобасына өтінім қабылдау аяқталды. Науқан 1 қыркүйектен 30 қыркүйекке дейін өтті. Осы уақыт ішінде қала тұрғындары 4 632 бастама ұсынды.
Жарияланған күні мен уақыты:
«02-10-2025 11: 45»
Алматылықтар аумақты көгалдандыру, аула мен қоғамдық кеңістіктерді абаттандыру, тротуар мен арықты жөндеу, балалар және спорт алаңдарын орнату бойынша жоба ұсынды. Сондай-ақ, қаланы таза әрі жайлы етуге бағытталған идеялар да бар.
Өтінімдер онлайн форматта budget.open-almaty.kz платформасында қабылданды.
Қатысу шарттары:
- бір адам - бір өтінім - бір нысан;
- нысан жалпыға ортақ болуы және өтінім берушінің ауданында орналасуы тиіс;
- жобада ең көп бюджет - 294,9 млн теңге.
Келесі кезеңдер:
- 1-12 қазан: аудан әкімдіктері жанындағы сарапшылар жобаларды тексереді;
- 19 қазанға дейін: авторлар идеясын пысықтай алады;
- 20-26 қазан: жаңартылған өтінімдер қаралады;
- 27 қазан - 9 қараша: тұрғындардың дауыс беруі;
- 10-16 қараша: қорытынды шығару;
- 17-18 қараша: бюджет өтінімдерін қалыптастыру;
- 2026 жыл: жеңімпаз жобаларды жүзеге асыру.
«Алматы даму орталығы» АҚ баспасөз қызметі әрбір кезеңді тұрғындарға хабарлап отырады.
