Республика күніне орай Алматыда мемлекеттік наградаларды тапсыру рәсімі өтті.

Республика күні қарсаңында Алматыдағы Астана алаңында мың жастың басын қосқан «Егемендік – Елдік бастауы» атты флешмоб өтті. Іс-шара кітап оқуды насихаттауға, әдебиетке және ұлттық құндылықтарға деген қызығушылықты арттыруға арналды. Бұл туралы Алматы қаласы Жастар саясаты басқармасының өкілдері хабарлады.

Алматыда оқушылар, ата-аналар мен мұғалімдердің қатысуымен экологиялық акция өтті. Іс-шара барысында қайта өңдеуге жарамды қалдықтар жиналып, пайдаланылған пластиктен салпыншақ жасау бойынша шеберлік сабағы ұйымдастырылды. Сонымен қатар мектеп аумағына ағаш отырғызылды. Бұл туралы «Eco Almaty» ЖШС мамандары айтты.

Алматы қаласы әкімінің орынбасары Абзал Нүкенов азаматтарды кезекті жеке қабылдап, әлеуметтік қолдау және мәдени жобаларды жүзеге асыру мәселелері бойынша өтініштерді қарады.

Алматының Медеу ауданындағы Тау Самалы шағынауданында жалпы ұзындығы 80,3 шақырым болатын сумен жабдықтау және су бұру желілерінің құрылысы жалғасып жатыр. Жоба жүзеге асқан соң 6 500-ге жуық тұрғын орталықтандырылған ауызсу жүйесіне қосылады.

Алматылық спортшылар Жапонияда өтіп жатқан V Азия Пара ойындарында табысты өнер көрсетіп жатыр. Кеше паравелоспорттан күміс және қола медаль жеңіп алған алматылықтар бүгін тағы екі алтын және екі күміс жүлдеге қол жеткізді. Бұл туралы Алматы қаласы Спорт басқармасының өкілдері айтты.

25 қазан – Республика күні қарсаңында Алматыдағы Қазақ ұлттық қыздар педагогикалық университетінің (QyzPU) студенттері «Менің Қазақстаным!» акциясын бастады. Қатысушылар бірігіп «Атамекен» әнін орындап, эстафетаны Қазақстанның өзге жоғары оқу орындарына жолдады.

Алматы әкімі Дархан Сатыбалдының азаматтарды жеке мәселесі бойынша қабылдауы барысында қала тұрғындары тұрғын үймен қамтамасыз ету, көріктендіру, инфрақұрылымды дамыту және көппәтерлі тұрғын үйлерді басқару мәселесін көтерді.

Республика күні қарсаңында Алматыда «Republic Day» және «Bereke Fest» республикалық акциясы өтеді. Акциялар аясында сатып алушыларға түрлі тауарлар жеңілдетілген бағамен ұсынылады. Акциялар 2026 жылы 17 қазанда басталып, 27 қазанға дейін жалғасады.

Алматыда Саин көшесін ұзарту жұмыстары аясында көлік қозғалысына уақытша шектеу енгізіледі.