Жапонияда өтіп жатқан XX жазғы Азия ойындарында алматылық спортшылар ұлттық құрама сапында жүлде алуды жалғастырып жатыр. Кезекті күміс медальдарды Кристина Морозова, Милад Карими және Татьяна Токарницкая жеңіп алды. Бұл туралы Алматы қаласы Спорт басқармасының өкілдері айтты.

Алматыдағы Перинатология және балалар кардиохирургиясы орталығының аумағында «Нәрестелер аллеясы» ашылды. Игі бастама аясында осы Орталықта дүниеге келген балалардың отбасылары 80 түп алма ағашын екті. Бұл туралы қаланың Қоғамдық денсаулық сақтау басқармасының өкілдері айтты.

Алатау ауданы санитарлық тазалап, жасыл аумақтарды күтіп ұстауға көңіл бөліп, қоғамдық кеңістікті абаттандырып жатыр. Ауданда 730 көше бар.

Алатау ауданында 2026 жылы «Халық қатысатын бюджет» бағдарламасы аясында 43 жоба жүзеге асып жатыр. Оларды іске асыруға бюджеттен 2,5 млрд теңге бөлінген. Барлық жұмысты қыркүйек айының соңына дейін аяқтамақ ойда. Өңірлік коммуникациялар қызметінде өткен брифингте Алатау ауданының әкімі Данияр Қырықбаев осы туралы баяндады.

Алматыда Жастар кеңесінің жаңа құрамына өтінім қабылдау басталды. Кеңес қаланың дамуына үлес қосуға, идеясы мен жобасын ұсынуға дайын жастарды біріктіретін алаң болмақ. Жоба Алматы қаласы Жастар саясаты басқармасы мен QazEquality қоғамдық қорының қатысуымен жүзеге асырылады.

Алматыда Қазақстан кинематографиясының тарихына арналған жаңа қоғамдық кеңістіктің тұжырымдамасы әзірленіп жатыр. «Қазақфильм» кинематографиялық паркін серуендеуге, демалуға және отандық кино өнерімен танысуға арналған заманауи орын ретінде құру жоспарланып отыр. Бұл туралы қаланың Қоғамдық кеңістіктерді дамыту басқармасының өкілдері хабарлады.

Алматылық спортшылар Жапонияда өтіп жатқан XX жазғы Азия ойындарында алғашқы жүлделерін иеленді. Қазақстан құрамасының қоржынына қазіргі бессайыс пен каратэ өкілдері қола медаль салды. Бұл туралы Алматы қаласы Спорт басқармасының өкілдері айтты.

«Eco Almaty» ЖШС Алматының атмосфералық ауасын қорғау қағидалары туралы ақпараттық науқан аясында экология тақырыбындағы қысқа танымдық бейнероликтер топтамасын шығарды.

Алматының туристік әлеуеті Turkish Airlines-пен жасалған меморандум аясында шетелде ілгерілетіледі

Алматыда Қала күнін екі күн бойы мерекелеу аяқталды. 19 және 20 қыркүйекте қаланың негізгі алаңдарында және барлық сегіз ауданда концерттер, фестивальдер, көрмелер, спорттық және шығармашылық іс-шаралар өтті. Екі күн ішінде оларға 1 млн-нан астам қала тұрғыны мен қонағы қатысты. Бұл туралы Алматы қаласы Мәдениет басқармасының өкілдері хабарлады.