Тіліңізді таңдаңыз
Жаңалықтар
Алматының №2 қалалық перинаталдық орталығында дәрігерлер жүктіліктің 27-аптасында дүниеге келген шала туған қыз баланы аман алып қалды. Бұл туралы қаладағы Қоғамдық денсаулық сақтау басқармасының өкілдері айтты.
Толығырақ … «16-02-2026 06: 11»
Алматылық спортшы, қазақстандық мәнерлеп сырғанаушы Михаил Шайдоров 2026 жылғы қысқы Олимпиада ойындарында топ жарып, ерлер арасындағы жекелей сайыста Олимпиада чемпионы атанды. Бұл туралы Алматы қаласының Спорт басқармасының өкілдері хабарлады.
Толығырақ … «14-02-2026 08: 06»
Алматы қаласы Азиядағы ең ірі халықаралық туристік көрмелердің бірі OTM Mumbai 2026 көрмесіне қатысты. Көрмеде туроператорлар, әуе тасымалдаушылар, қонақ үй брендтері мен ұлттық туристік кеңселерді қамтыған әлемдік туристік саланың негізгі өкілдері бас қосты.
Толығырақ … «13-02-2026 11: 07»
Алматы қаласының құрамасы жастар арасындағы таэквондодан (WT) Қазақстан Республикасы чемпионатында жалпыкомандалық есепте бірінші орын иеленді. Бұл туралы Алматы қаласының Спорт басқармасының өкілдері айтты.
Толығырақ … «13-02-2026 11: 03»
Алматы қаласында қоғамдық кеңістіктерді кешенді көріктендіру бағдарламасы жүзеге асырылып отыр. Бұл туралы Өңірлік коммуникациялар қызметінде өткен брифингте Алматы қаласы әкімінің орынбасары Алмасхан Сматлаев мәлімдеді.
Толығырақ … «12-02-2026 10: 58»
Алматы әкімінің орынбасары Алмасхан Сматлаев Алматы қаласы Төтенше жағдайлар департаментінің өрт сөндіру-құтқару бөлімшесіне барды. Ол жедел қызметтің жұмысымен, техникалық жарақтандыру деңгейімен және азаматтық қорғау жүйесін жаңғырту барысымен танысты.
Толығырақ … «12-02-2026 10: 56»
«Алматы» хоккей клубы PRO HOKEI LIGASY-дің екінші тұрақты чемпионатында плей-офф кезеңіне мерзімінен бұрын жолдама алды. Бұл туралы Алматы қаласы спорт басқармасының өкілдері айтты.
Толығырақ … «11-02-2026 10: 52»
Мемлекет басшысының тапсырмасы мен 2025 жылғы желтоқсанда бекітілген стратегиялық құжаттарға сәйкес, Алматыда цифрландыруды дамыту мен жасанды интеллект технологияларын енгізу бойынша жүйелі жұмыс жүргізіліп жатыр.
Толығырақ … «11-02-2026 10: 49»
Қазақстан Республикасы Сауда және интеграция министрінің 2025 жылғы 23 желтоқсандағы № 362-нқ бұйрығымен әлеуметтік маңызы бар азық-түлік тауарларының кеңейтілген тізбесі бекітілді - атаулар саны 19-дан 31-ге дейін ұлғайтылды. Аталған тауарларға қатысты жергілікті атқарушы органдар тарапынан күшейтілген бақылау және бағаға жүйелі мониторинг жүргізілуде.
Мониторинг «үй жанындағы» дүкендерде, азық-түлік базарларында және сауда желілерінде жүзеге асырылады. Негізгі мақсат - мөлшері 15 пайыздан аспайтын шекті сауда үстемесінің сақталуын қамтамасыз ету, сондай-ақ бағаның негізсіз өсуіне жол бермеу.
Кәсіпкерлік субъектілерімен жүргізілетін жұмыс шеңберінде заңнаманың талаптарын түсіндіру жүзеге асырылады, консультациялар жүргізіледі және ақпараттық материалдар таратылады.
Бұзушылықтар анықталған жағдайда Қазақстан Республикасы Әкімшілік құқық бұзушылық туралы кодексінің 204-4-бабына сәйкес әкімшілік жауапкершілік көзделген. Айыппұлдар мөлшері:
- жеке тұлғалар мен шағын кәсіпкерлік субъектілері үшін-5 АЕК;
- орта кәсіпкерлік субъектілері үшін-35 АЕК;
- ірі кәсіпкерлік субъектілері үшін-150 АЕК.
Әкімшілік жаза қолданылғаннан кейін бір жыл ішінде құқық бұзушылықты қайта жасау айыппұлдың екі еселенген мөлшерде салынуына әкеп соғады.
Әлеуметтік маңызы бар азық-түлік тауарларына белгіленген сауда үстемесінің сақталуын бақылау және бағаға мониторинг жүргізу жұмыстары тұрақты негізде жалғастырылатын болады.
Ақпарат көзі: Алматы қаласы әкімдігінің баспасөз қызметі